Dedh Cans ha Dewdhek warn Ügens


De Yow, dewdhegves mis Me
Thursday, 12th May















My a gar mis Me. Ma saworow wheg e'n mis ma. Ma bosow lilak en keow ha lowarthow. Bes a-bele a dheuth bos lilak en ke? A wrüg neb edhen gara hasen dhe godha? Gellys ew flourys dhort spern dû ha devedhys ew bleujyow spern gwydn. Ma sawarn wheg dhe spernen wydn (saw en termyn eus passyes nag o da gen ow dama wydn - "ma hei ow trei dhebm pedn drog" emedh hei). Edhyn a aras greunen dhe godha ha, lebmyn, ma spern gwydn et ow lowarth. Emesk an guckous, ma dhebm derowen, dhort mesen. Otta gwedhen vian aral, dhort mesen. Na ell hei gòrtos obma - hei a vedh re vrâs. Nag eus spas lowr dhe gressya. Bes nei ell cressya agan tavas Kernôwek.














I love May. There are sweet smells this month. There are lilac bushes in hedges and gardens. But where does a lilac bush in a hedge come from? Did some bird drop a seed? Flowers have gone from blackthorn and white thorn blossom has arrived. Hawthorn has a sweet scent (though in the past my grandmother didn't like it - "it gives me a headache" she said). Birds dropped berries and, now, I have hawthorns in my garden. Among the bluebells, I have a young oak tree, from an acorn. Here's another little tree, from an acorn. It can't stay here - it will be too big. There is not enough space to increase. But we can increase our Cornish language.














Geryow rag hedhyw: Words for today

a-bele whence, from where
bos lilak (m) lilac bush
greunen (f) berry, grain < (collective) greun
guckou (m) bluebell
mesen (f) acorn < (collective) mes
pedn drog (m) headache
sawarn (m) or sawor (m) savour, scent, etc.
spernen (f) thorn < (collective) spern
spernen dhû hawthorn < spern dû
spernen wydn blackthorn < spern gwydn

Cressya emann agan tavas Kernôwek Radn 24a. 
Building up our Cornish language Part 24a.

Expanding on our uses of the imperative of bos (be):

traditionally you would use the familiar form for children, your nearest and dearest, and for persons of “inferior status” to yourself. The plural form also serves as a formal or polite register.


You can soften the order by saying “Please!”

pejy (before) or mar pleg (after) the order.

It is up to you whether you use an exclamation mark in writing!


Here are some extra things to be or not to be (this can be a simple adjective or any other sort of descriptor):



Bedh lôwen ragam/raga vy! Be happy for me!

Bedhes lôwen raga vy! Be thou happy for me!

Bedh sparüs gans an gwin! Be sparing with the wine!

Bedhes coweth gwir, mar pleg! Be (thou) a true friend, please!

Bedhes maw für. Be a sensible boy.



Bedhowgh whei oll lôwenek ragam! Be joyful for me, all of you!

Pejy, bedhowgh cosel e'n leverva! Please, be quiet in the library!

Bedhowgh flehes da, mar pleg! Be good children, please!

Bedhowgh erbysek! Be economical!

Bedhowgh erbysüs gen agas pegans! Be frugal with your provisions!



Things not to be:

Pejy, na vedhes engrys. Please, don't be angry.

Na vedhes serrys, mar pleg. Don't be cross, please.

Na vedh crowsek. Don't be grumpy.

Na vedh gòcky. Don't be silly.

Na vedhes mos wòcky. Don't be a silly girl.



Na vedhowgh anfür. Don't be unwise.

Na vedhowgh diswar. Don't be unwary.

Na vedhowgh crafny. Don't be tight-fisted.

Na vedhowgh pehadoryon. Don't be sinners.


Comments

Post a Comment

Popular posts from this blog

Dedh Pajar Ügens ha Dew

Image
De Merher, tryja warn ügens mis Meurth Wednesday, 23rd March Ma moy es trei hans dedh en üdn vledhen ha pub dedh ew specyal! Ma pub pres pedn bloodh dhe nebonan, etho thew an jedh a bris dhe'n person na. Martesen ma "dedh hanow" dhewgh. Eus hanow sans dhewgh? Ma tüs erel dhe gova ewedh. Ma degolyow ha dedhyow keswlasek rag pedery adro dhe daclow. De a veu Dedh Dowr an Norves. Oll an bes a dal cawas dowr pur ha glan rag eva ha golhy. Nag eus dowr lowr dhe lies person, soweth. Otta tabm descans moy. There are more than three hundred days in one year and every day is special! Someone always has a birthday, so the day is important to that person. Perhaps you have a "name day". Do you have a saint's name? There are other people to commemorate too. There are festivals and international days for thinking about things. Yesterday was World Water Day. All the world should get pure clean water for drinking and washing. Many people don't have enough water, sadly. ...
Read more

Dedh Trei Ügens ha Terdhek

Image
De  Lün , pajardegves mis Meurth Monday, 14th March Pandra nessa?  Pub pres theram ow kelly taclow.  Lebmyn thew an dra gellys ow lev.  Soweth.  Theram ow renky pecar'a qwilkyn.  Na ellama desky war Zoom e'n seythen ma, drefen na ellama clappya. My a lavaras, " Ma edrek genam," dhe'm deskyblon. " Agas gweles nessa seythen, esperans ma genam." Bes heb lev, fatel ellama rowlya flogh gwels bian, trei y vloodh? Ev a vedh skithys gen kerdhes ha crambla et ow lowarth. Re yonk ew ev rag an descans ma! What next?  I am always losing things.  Now the lost thing is my voice.  Sadly.  I am croaking like a frog.  I cannot teach on Zoom this week, because I cannot speak. I said, " I am sorry," to my students. " See you next week, I hope."  But without a voice, how can I control a little three-year old savage? He will be tired out by walking and climbing in my garden. He is too young for this lesson. Building up our Cornish language Par...
Read more

Dedh Dogens hag Eth

Image
De Yow, seytegves mis Whevrel Thursday, 17th February Ma Enawel Eunice ow tos. E vedh gwens. E vedh hûjes todnow war an als noor, martesen deg troshes warn ügens dhe hanter dedh. Saw na vedh an todnow da rag mordartha. (Gramassy dhe CornwallLive rag an foto a'n Cribbar - na vedh an todnow glan pecar'a holma.) Anjei a vedh diantel. Ma gwarnyans, "Bedhowgh parys rag livyow ogas dhe'n mor." Parys o nei rag an gwens et ow lowarth. Thew keniver tra saw. Lebmyn my ell pedery a'm nessa descans! Storm Eunice is coming. There will be wind. There will be huge waves on the north cost, perhaps 30ft at midday. But the waves won't be good for surfing. (Thanks to CornwallLive for the photo of the Cribbar - the waves won't be clean like this one.) They will be dangerous. There is a warning, "Be prepared for floods near the sea." We are ready for the wind in our garden. Everything is secure. Now I can think of my next lesson. Cressya emann agas tavas Kernowek...
Read more